Günah axtarmaqdan keçib

Bəşəriyyət yarandığı gündən bu günədək həyat təzadlı fikirlər, fərqli yanaşmalar, dünyaya baxış prinsipləri baxımından ayrılıqlara bölünüb. İnsanlar bir-birlərindən xarici görünüşlərinə görə fərqləndikləri kimi daxili aləm baxımından da fərqlilik nümayiş etdirirlər. Təbii ki, bu həyatın bizim təxəyyülümüzdən uzaq bir qanunudur. Çünki indiyə qədər insanların nədən oxşar yox, fərqli yarandığı haqqında dəqiq fikir yürüdən olmamışdır. Nəinki oxşar və fərqli, hətta insanın yaradılışı haqqında belə dəqiq söz deyən yoxdur. Dinimizə görə ilk insan bəşəriyyətin atası hesab olunan Adəm peyğəmbərdir. Allah onu yaratdıqdan sonra Həvvanı yaradıb. Lakin elm, fəlsəfə inkişaf etdikcə bu fikrə qarşı təzadlar, həmçinin bu iddianı inkar edə biləcək qədər elmi əsaslar irəli sürüldü. Beləliklə, insanın yaradılışı haqqında olan bu iddiaya qarşı fikir ayrılıqları yarandı.  Bu yazının davamını oxu

Advertisements

Sevgi nədir

Dünyanı sevgi xilas edəcək…

Sevincli Dünya

image

İstək

Elm sübut edir ki, insanda orta hesabla mindən çox duyğu hissi vardır. Bu qədər duyğu hissləri arasında istək, sevgi və şəfqət əsas yer tutur. Bu hisslər Allahın insan qəlbinə qoyduğu əvəzsiz bir nemətdir. Bir əxlaq alimi bu barədə belə deyirdi: “Əgər Allah istədiklərinizi verməz olsaydı, sizə heç istəmək hissini də verməzdi.”
İstək və sevgi həm anadangəlmə, həm də sonradan qazanılan olur. Məsələn, valideyndəki övlad hissi anadangəlmə sevgiyə misal ola bilər. Diqqət yetirsək, şüursuz canlılarda da istək, sevgi, şəfqət hissinin olduğunu görərik. Bir bitkinin özünün həyatını davam etdirməsi, yaşaması, boy atması üçün torpaqdan, havadan müəyyən şeylər istəyir.

View original post 606 daha çox kəlmə

Kişi şalvarı – onun tarixi haqqında nə bilirik?

Maraqlı məlumat olduğu üçün yenidən bloqlandı.

Sevincli Dünya

Araşdırmalara görə daş dövrünün qaya rəsmləri şalvarın tarixinin “10 min il əvvələ aid olduğu” nu təsdiqləyirlər. Məşhur moda tarixçilərinin də təxmininə görə, Cənubi Fransa və İspaniyada daş dövründə mağaralarda rast gəlinən qaya rəsimləri də bu tarixə şəhadət edir.

“İlk” şalvar necə idi?

Böyük ehtimal ki, o zamanlarda geyinilən şalvarlar bu gün alışdığımız, gündəlik kişi geyimi kimi qəbul etdiyimiz şəkildə deyildi. Aydındır ki, daş dövrü şalvarları məqsədli şəkildə geyinilməsə də, bu geyimlər başlanğıcdan bu yana, kişinin gücünün və nüfuzunun bir simvolu olaraq və fərdin cəmiyyətdəki mövqeyini göstərən bir vasitə olaraq tanındı.

View original post 763 daha çox kəlmə

İşlənməyən cinayətin cəzası

Axşamınız xeyir, əzizlərim. İşimi yarımçıq qoymaq adətim deyil, bilirsiniz bunu. Amma həyat biz istədiyimiz axarda davam etmir, bunu da bilirik. Bu gün aylardır yazmağa başladığım, amma bitirə bilmədiyim povestdən bir hissəni paylaşmaq istəyirəm sizinlə. Povest üçün nöqtəni qoymuşam, hadisələr, süjet xətti, hər şey yığcam formada hazırdır artıq. Qalıb yazıya köçürüb qələmə almaq. Allahın izni ilə bitirmək qismət olar və həmişəki kimi dəyərli dostlarım da dəyərli fikirləri ilə münasibət bildirərlər. Bilirəm ki, yazılarımı maraqla gözləyənlər var, elə isə, buyurun, oxuyun ☺️

Bu yazının davamını oxu

“Mimoza” salatı

“Mimoza” salatı 🍴Lazım olan ərzaqlar:

Toyuq filesi

Kartof

Yumurta

Holland pendiri

Turşu xiyar

Yerkökü
Xiyar
Mayanez, xama

Duz, istiot  Bu yazının davamını oxu

Xoş gəldin, 2018

Gecəniz xeyir, əzizlərim. Artıq bir neçə dəqiqədən sonra yeni ilə qədəm qoyacayıq. Çin təqviminə görə bu il, 2018-ci il mehriban it ilidir. Bilirsiniz də yəqin ki, sədaqətli heyvanlar içində itlərin də adı ön sırada çəkilir. Bu ilin ünsürü “mehriban it” olduğundan, demək ki, bu ildən qorxmağa heç bir əsas qalmır. Mehriban “it”lə yola getməyə nə var ki?! Yetər ki, qapı iti kimi adam qapmağa meyilli olmasın…
Hə, əzizlərim, beləcə gəldik çıxdıq son günün son saatının son dəqiqələrinə. Kimin yaddaşına, ömrünə necə yazıldı deyə nə soruşacağam, nə də danışacağam. Necə gəlib necə yazılmağından asılı olmayaraq il yekunlaşır artıq. Dördrəqəmli ədədin təklik mərtəbəsindəki “7”-i “8”-ə verir öz yerini. Hələ düz 365 gün qələm 8 yazacaq müəyyən lazımi yerlərdə. Qələm “8” yazsın, Yaradan da xoş gün…    Bu yazının davamını oxu

31 Dekabr Həmrəylik Günü

Günaydın, əzizlərim! İlin son günündə xoş gördük hamınızı. Bilmirəm təsadüfənmi seçilib, ya elə bilərəkdən düşünülüb – təqvimin son günü həm də Həmrəylik günü kimi qeyd olunur. Hər hansı səbəbdən olmasına baxmayaraq, gözəl tarixdi. Həm də gözəl gündür. Dünya azərbaycanlılarının həmrəylik günü…
Həmrəy olmaq alqışa layiqdir, amma gərək nə uğruna, nəyin naminə həmrəy olduğumuzu yaxşı-yaxşı düşünək. Kortəbii olaraq ortaya atılan fikrin arxasınca getmək bizə xoşbəxtlik gətirməyəcək, əksinə bizi uçuruma sürükləyəcək. Bütün bayramlar kimi ilin 365 günündən bir gününü həmrəyliyə səsləyirik. Amma bizə lazım olan o bir gün deyil, hər gün bu yolu getməkdir. Bir millət olaraq var olan gücümüzü ortaya birlikdə qoymağı bacarsaq, çox şeylərə nail olacayıq. Yoxsa təmsillərin birində olduğu kimi, hərə bir tərəf çəkişdirsə, vay halımıza o zaman…  Bu yazının davamını oxu

Bir qadının taleyindən sətirlər… (Son)

Hicran nə edəcəyini bilmirdi. Azərlə Asəf üçün çox darıxırdı, ürəyi nigaran idi. Balalarının qabağında özünü suçlu sayırdı. Boğazından nə su, nə çörək keçirdi. Çox götür–qoy edir, boşanmaqdan başqa çıxış yolu tapmırdı. Lakin, bu fikrə əvvəllər də qərar versə də, qohum qonşu onu fikrindən daşındırmış, cavan gəlin üçün boşanmanın asan yol olmadığını, bu zəmanədə atasız üç uşaq böyütmənin nə qədər çətin olduğunu anlatmışdılar. Qəlbində olan özünə inam hissini tamamilə öldürmüşdülər. Hicran da buna görə bir qərara gələ bilmir, lakin Farizlə yenidən bir yerdə yaşamağı ağlına gətirəndə ürəyi sıxılır, bunun mümkünsüzlüyünü anlayırdı. Bir yerdə yaşamaq ona zülm kimi görünürdü. Gedib bir işdə işləyib balalarını böyüdəcəyinə əmin idi, lakin hər kəs onun gözünü qorxudur, bir dəstək verib, yol göstərən olmurdu. Bir də Hicranı uşaqlarının gələcəyi qorxudurdu. Fariz kimi atanın yanında necə tərbiyə olunacaqlarından narahat olurdu.  Bu yazının davamını oxu

Bir qadının taleyindən sətirlər… (4-cü hissə)

Uşaqlar heç nə başa düşməsələr də təlaş içində idilər. Analarına nə olmuşdu? Niyə oyanmır, niyə qalxıb onlara yemək vermirdi? Hicranın gözlərinə bənzəyən, tünd qəhvəyi gözlərində kədər qarışıq bir təşviş vardı uşaqların.  Onlar nənəsinə, gah da anasına baxırdılar. Zərnişan arvad çox narahat, həm də əsəbi idi. Gəlininə bərk acıgı tutmuşdu. Gözü pəncərədə, qapıda qalmışdı.

Fariz təcili yardım məntəqəsinə çatıb hövlnak içəri girdi. Dili söz tutar-tutmaz, vəziyyəti izah etdi. Həkimlər tələsik təcili yardım maşınına əyləşib onlara getdilər. Fariz isə çox təlaşla onların arxasınca maşını sürüb getdi.  Bu yazının davamını oxu

Səhnəmizin sönməyən Günəşi — ZEYNƏB XANLAROVA

Dünya şöhrətli müğənni Zeynəb Xanlarova

Sevincli Dünya

image

Əziz dostlar, bu gün dünya şöhrətli müğənnimiz, incəsənətimizin sönməyən Günəşi Zeynəb Xanım Xanlarovanın doğum günüdür. Bu münasibətlə Zeynəb Xanımı ürəkdən təbrik edib, ona uzun ömür, can sağlığı arzulayaq. Və gəlin Zeynəb xanım haqqında bilmədiklərimizi birgə öyrənək.

Zeynəb Yəhya qızı Xanlarova 1936-cı il dekabrın 28-də Bakı şəhərində anadan olmuşdur. Bakı Məktəbəqədər tərbiyə məktəbini və Asəf Zeynallı adına Musiqi məktəbini bitirmişdir.

View original post 491 daha çox kəlmə