Ən yaxşı ağardıcı vasitə

Çay sodasının bu xüsusiyyətlərini bilirdinizmi?
Qida sodası kimi tanıdığımız çay sodasının məişətdə daha nələrə qadir olduğunu bilmək istərdinizmi? Gəlin bunun necə mümkün olduğuna birgə nəzər salaq. İlk öncə bizə lazım olacaq vəsaitləri gözdən keçirək:
– soda;
– naşatır spirti;
– sirkə;
– süngər;
– şotka;
– rezin əlcəklər

1. Hamam çanağından, vannadan, digər sahələrdən ərpin aparılması eçün ən ideal vasitədir.
Tətbiqdən əvvəl sodanı qatı sıyıq vəziyyəti alanacan suda həll edin, çirklənmiş səthlərə vurun, tam qurumaya qədər gözləyin, sonra süngərin və ya şotkanın köməyi ilə çirkli səthə sürtünvə su ilə yuyun.
2. Ağ paltarların ağardılması üçün naşatır spirtiylə sodanın qarışığından istifadə edin. İstifadədən əvvəl bu tərkibi hazırlayın:
5 l ilıq suya 5 x.q soda, 2 x.q naşatır spirti əlavə edin, qarışdırın. Bu məhluldan parçanın çirkli yerinə əlavə edin, 3-4 saat gözləyin, sonra yaxalayın və adi üsulla yuyun.
3. Çox çətin gedən, saralmış bir ləkə üçünsə, 20-30 dəqiqə ərzində isladılmadan sonra paltarı qaynadacaqsınız. Siz ağardıcı vasitələr tətbiq etmədən tamamilə qar kimi paltar alacaqsınız. Daha yaxşısı isə, belə tərkib parçaların istənilən növləri üçün tamamilə təhlükəsizdir və parçanın keyfiyyətini korlamır.
4. Sirkəylə soda qarışığı istənilən səthlərdə köhnədən qalma çirklərin belə öhdəsindən gəlməyə qadirdir. Çirkli səthə soda sürtün, 12% sirkə turşusunda süngəri isladın və təmizləməyə başlayın.
DİQQƏT!
Rezin əlcəklərindən mütləq istifadə edin, çünki bu tərkib əllərin dərisinə zərər vura bilər. Bu üsul mərmərin ağardılması üçün əlverişli deyil.