Bloq Arxivləri
Əllərinlə sığal çək saçlarıma…
Axşamınız xeyir, əzizlərim, dəyərli dostlarım, bloq izləyicilərim. Payızı sevmirəm, çoxunuz bilirsiniz. Soyuğu da, çiskini də, yağışı da özüylə həsrət gətirir sanki. Hal-hazırda da bayırda güclü külək əsir. Deyirəm, ay insafsız külək, bu qədər əsirsən gəl azacıq da dərdi, kədəri özünlə götür apar, bəs deyilmi iliyimizədək hüzün yaşatmağın?!..
Hər gün olmasa da, zaman tapan kimi “e-mail” ünvanıma baxıram. Bir neçə dəqiqə əvvəl də nə var, nə yox deyə baxdığımda gözümə ilk dəyən bir mesajın ilk sətri oldu “Əllərinlə sığal çək saçlarıma”. Qəribə gəldi mənə, dedim görəsən nə mesajdı bu, kimdəndi bu belə. Kimdi bu cəsarətin sahibi?
Nə isə, mesajı açdım ki, Pərvin qızım şeir göndərib. Oxuyub qiymət verməyimi istəyir. Pərvin, sənin o gənc, həm də kövrək ürəyindən gələn hər misranın öz dəyəri var, qızım. Mənim qiymətim, bloqda dərcimdi. Qoy, hər gün bloqun ziyarətinə gələn yüzlərlə oxucunun da xəbəri olsun ki, bələ bir gənc yazar var. Bu yazının davamını oxu
Kaş bəxtin yazılsın qızıldan, qızım
Sən ömür bağçamda bitən çiçəksən,
Güllərdən gözəlsən, şirin sözümsən.
Ürkək baxışlımsan, ceyran gözlümsən
Bəxtimin ən parlaq ulduzusan sən.
Nə qüssə, nə kədər, nə qəm biləsən,
Nə yaxşı gəldin sən ömrümə, qızım,
Kaş bəxtin yazılsın qızıldan, qızım.
Sevgi həsrətimdə, yamaq tutmayan qəlbimdədir mənim…(Tanımadığımız Tanışlar Silsiləsindən II hissə; 20-ci yazı)
Cüməniz mübarək, əzizlərim! Müsahibə üçün darıxanları gözəl bir xanımla söhbət gözləyir. Tanışlıq demədim, bəli, çünki Pərvanə xanımın xüsusi təqdimata ehtiyacı yoxdur. Onu sevənlər də, tanıyanlar da çoxdan çoxdur. Çox səmimi, gülərüz, qəlbinin gözəlliyi kimi gözəl də qələmə sahibdir Pərvanə xanım. İnsan var şöhrət qazandıqca ətrafındakı insanlara Allahın salamın belə verməyi özünə sığışdırmır. Amma Pərvanə xanımın camalı kimi qəlbi də, xasiyyəti də gözəldir. O qədər zövq alıram ki, bu xanımla söhbətdən. Allah sizi qorusun, gözəl xanım. Səsiniz həmişə ən ucalardan gəlsin. Buyurun, əzizlərim, bir şairə xanımın, bir gözəl ananın, bir nisgilli qəlbin pıçıltılarını siz də dinləyin…
Salam. Tanışlıq və söhbətimiz üçün özünüzü təqdim etməlisiniz.
1. Müsahibim kimdir, sizi necə tanıyaq? Bu yazının davamını oxu
Nə olar, bircə yol sən gələ bilsən…
Nə olar, bircə yol sən gələ bilsən…
Bu gecə yadıma yaman düşmüsən,
Yenə sənsizlikdə buz tək donmuşam.
Bu gecə sənə yox, sənsizliyimə
Ağlayıb, sızlayıb yaman dolmuşam. Bu yazının davamını oxu
Mənim nağıl ömrüm…
Ömürdən bir il də beləcə keçdi,
Keçdi acısıyla, keçdi qayğılı.
Bir ömrə sığmayan arzularımın
Adını mən qoydum “ömür nağılı”.
“Sevincli Dünya” – kövrək qəlbin hissləri
Tanımadığımız tanışlar silsiləsindən növbəti günlərdə bir qonağım olacaq. Çox qısa müddətdir tanış olmuşuq. Amma o qədər gözəl xüsusiyyətlərə malik bir xanımdır ki, sevməmək olmur. Qızların əksəriyyəti ona “Günəş ana” deyirlər.
Bu hörmətli xanım paylaşdığım hər xəbərə, məlumata çox diqqət ayırır və münasibət bildirir. Bu yaxın günlərdə bəzi səbəblərdən az-az görsəndim, instagram dostlarımın hamısı darıxdı, maraqlandı. Hamısına təşəkkür edirəm… Bu yazının davamını oxu
Mən Ürəyi Ürək Kimi Saxlamadım – Zəlimxan Yaqub
Zəlimxan Yaqub 1950-ci il yanvar ayının 21-də Gürcustan Respublikası Bolnisi rayonunun Kəpənəkçi kəndində ziyalı ailəsində anadan olmuşdur. 1967-ci ildə doğulduğu kənddə orta məktəbi, 1972-ci ildə isə Azərbaycan Dövlət Universitetinin kitabxanaçılıq fakültəsinin əmtəəşünaslıq şöbəsini bitirmişdir. Ədəbi fəaliyyətə 15 yaşında başlamışdır.
1983-cü ildən Azərbaycan Yazıçılar Birliyinin üzvüdür.
Onun yazdığı poemalar əsasında “Aşıq Ələsgər”, “Didərginlər”, “Yunus İmrə”, “Böyük ömrün dastanı”, “Qalx ayağa Azərbaycan” adlı televiziya film və verlişləri hazırlanmışdır. Bu yazının davamını oxu
Mən belə ayrılıq istəmədim ki…
Mən belə ayrılıq istəmədim ki…
Belə ayrılmağa nə var ki, gülüm,
Mən belə ayrılaq istəməmişdim.
Könlüm səndə qalıb, baxışın məndə
O baxış gözümü nəm edib indi. Bu yazının davamını oxu
Tapdaq altda qalan yurdum…
Tarixi keçmişi çox qədimlərə dayanan Laçın rayonu bu gün mənfur qonşularımız və qatı düşmənimiz tərəfindən talan olub. Laçın rayonu Azərbaycan Respublikasının cənub-qərbində dağlıq ərazidə yerləşir. Şimaldan Azərbaycanın Kəlbəcər rayonu, şərqdən Xocalı, Şuşa və Xocavənd rayonları, cənubdan Qubadlı, qərbdən isə Ermənistanla həmsərhəddir. Ərazisi əsasən dağlıq relyefdən ibarətdir. Laçın rayonu ən yüksək dağ rayonlarından biridir. Ən hündür nöqtəsi dəniz səviyyəsindən 3594 m yüksəklikdə yerləşən Qızılboğaz dağıdır. Ərazidə narzan tipli bulaqlar, çoxlu miqdarda müxtəlif tikinti materialları, yataqları vardır…Bu cür məlumatları çox yazmaq olar, lakin bu gün bizi düşündürən başqa bir mövzudur. Bu gün Laçın düşmən tapdağında inildəyir, yaralı aslan kimi nərə çəkir…lakin nə hayına hay verən, nə də imdadına çatan var. Laçının işğalı erməni silahlı qüvvələri üçün bayrama çevrildi. Laçın rayonu erməni birləşmiş qüvvələri üçün strateji əhəmiyyətli bir rayon idi. Bu arzularına çatdılar, 18 may 1992-ci ildə Laçını ələ keçirib talan etdilər…
Sevincli Dünya 