Düşüncələrim…

Dünyaya gəlişimizdən gedişimizə qədər bir çox insanlar olur heyatımızda, sayını bilməyəcəyimiz qədər çox…ömür çox uzun yol gedən qatara bənzəyir, dayanmadan sərnişinlərinin biri minər biri düşər, gah dolar gah boşalar. İçərisində hər xasiyyətdə, hər biçimdə, hər yaşda sərnişinləri olan hər sərnişinin bir iz qoydugu qatar… o qatar ki, yolu çox uzun olar bizim həyat yolumuz kimi…o qatar ki, dayanacaqlarda dayanar, bizim yorulub artıq dayandığımız kimi…o qatar ki, dayanmaqçün olan qısa vaxtı tamam olanda yenidən yoluna davam edər, bizim hər şey bitdi dediyimizdə həyata yenidən baglandıgımız kimi.

Ömrümüzdən bir çox insanlar keçər, uzun yol gedən qatarın sernişinleri kimi; Bəziləri həzin, ilıq, yaz küləyi kimi üzümüzə toxunar, saçlarımızı, ruhumuzu oxşayar, ən gözəl duyğularımızı oyadar, bəlkə də bu meh bir müddət çəkər, amma xatirimizdə çox qısa, bitməyən ən gözəl duyğu kimi qalar. Bəziləri,bir anda hardan gəldiyi bilinməyən burulgan kimi gələr həyatımıza..,o, burulgan ki, çox güclü olar qarşısına çıxan hər şeyi sovurub aparar.., aparar özüylə, illərlə çalışaraq yığdiqlarımızı, qurduğumuz sevgi adlı dunyamızı.

Bəziləri qasirğa kimi gələr həyatımıza, bütün xəyallarımızı, planlarımızı, arzularımızı belə yıxar məhv edər, bütün hislərimizi, duygularımızı, varlıgımızı puç edər, gəlişiylə ürəklərimizi dondurub kimliyimizi belə unutdurar … unutdurar hər şeyi. Bu qasırğanın burulğanın ardındansa, bəziləri qarda təslim olmayan çiçəklər tək həyatın özünə inad yazı, hər şeyin yaxşı olacagını ümüdlə gözləyər, bəziləri də əlini-qolunu sallayıb acılara təslim olar, donub həyatdan yavaş-yavaş itər. Bir çox insanlar gələr həyatımıza, bəziləri sınagımız, bəziləri mükafatımız olar; Həyatımızda elə insanlar olar ki, dilimizdəki ən gözəl duamız, hər gün edəcəyimiz şükürümüz olar. Elə insanlar da olar ki, həyatımızda həyatı öyrənib anlamaga, dərs alıb düzgün yol tutmaga, gələcəyə ümüdlə baxıb yaşam tutunma səbəbimiz olar…

Elələri də olar ki, yaşatdığı hər acı, hər kədər özü də bilmədən bizi böyüdər, həyatın çətin yolunda bərkidər, çox güclü edər və ayaq üstə möhkəm dayanmağı, həyatın gözünə dik baxmagı öyrədər…Ömür çox uzun yol gedən qatara bənzər, o qatar ki, dayanmadan sərnişinlərinin biri minər biri düşər, hər sərnişin də bir iz buraxar həyat səhifəsində…

Müəllif: Xəyalə