Bu dəfə dəniz çimdi, anaların göz yaşlarıyla…
Mən anayam, bu səsimdə yerin, göyün ahı var,
Sülhə gəlin, ey insanlar, yoxsa dünya məhv olar…
Nə acımız bitir, nə də ağrımız dinlənir. Yanğınlar, qəzalar, düşmən gülləsi can almaqdan yorulmur. Həm ölkə daxilində, həm dünyada baş verən hadisələr yeni səhəri açan hər insanın ürəyində bir səksəkə yaradır. Hansısa bədbəxt hadisənin olacağı xəbərini almaqdan qorxur daha insanlar. Qara xəbər tez duyular deyiblər, neft daşlarında yaşanan faciənin acısı bitməmiş, cəbhə bölgəsindən gələn xəbərlər acımıza acı qatır: bu gün daha bir əsgərimiz şəhid oldu…
Bitsin daha bu göz yaşları! Bitsin anaların ərşə ucalan naləsi! Çəkdiklərimiz yetər, çiyinlərimiz bir ömür daşıyacağımız dərdlə yüklənib, çəkməyə gücümüz qalmayıb. Daha artığını yaşatma, Allahım! Dinsin gözlərdəki yaşlar, kəsilsin evlərdən gələn ayrılıq fəryadları. Analar ağlamasın, analar övlad itirməsin, analar ağı deməsin artıq…Dünya gülüstana dönsün istəyirik. İnsanlıq naminə insanlığa qayıdın, ey insanlar…
07/12/2015 tarixində Yazılarım içində dərc edildi və analar ağlamasın, Neft daşlarında yanğın, şəhid əsgər olaraq etiketləndi. Daimi bağlantını seçilmişlərinizə əlavə edin. 12 Şərh.
Sevincli Dünya 
Amin. Allah ölənlərə rəhmət eləsin 😦
Neçə- neçə ailə başçısını itirdi, neçə övlad artıq dayaqsız qalıb bu dünyada, neçə qadın yarını, neçə ana gözünün ağı -qarası, canından əziz balasını itirdi:( Bu itkilər hərgün var, dediyiniz kimi hərgün bir şəhid xəbəri eşidirik. Allahım bu son olsun, tökülməsin günahsız qanlar. Nəolar:( AMİN!
BəyənBəyən
Amin, Ayselim…
BəyənBəyən
Neçə gündür ki, bu hadisənin təsiri altındayam. Allah xəstələrə şəfa, ölənlərin ailələrinə səbir versin, itkin düşənlər də sağ-salamat tapılsın, Allah böyükdür.
Qəzada dünyasını dəyişən müsəlman qardaşlarımıza Allah rəhmət etsin, günahlarını bağışlasın.
Bəyəntərəfindən bəyənildi 1 şəxs
Kaş ki, sağ olaydılar, mələyim…
BəyənBəyən
Dəniz, danış neylədin,
sən balamın atasın,
Məgər sən bilməyirdin ?
Çox sevirdi balasın….
Balam atasız qaldı,
Dəniz, dinləyirsənmi
İndi ona nə deyim,
Dənizdədir, söyləyim?
Ver balamın atasın,
Gözü nəmli qalmasın,
Daha bir də dənizlər
qoy günahkar olmasın…
Bəyəntərəfindən bəyənildi 1 şəxs
Canım…çox təsirli yazmısan. ALLAH özü səbrimizi versin…
BəyənBəyən
Amin, amin!Bitsin artıq bu acılar! Qəzada həlak olanlara Allah rəhmət eləsin! Neçə gündür bu acının təsiri altındayam, söz tapmıram deməyə. Allah ailələrinə səbir versin.
Mənim atam neftçidir
Neft çıxarır Xəzərdən.
Görəsən heç əlləri donur külək əsəndə?
Mənim atam neftçidir
Nəfəsi də neft qoxur.
Sahilə baxa-baxa hər gün mahnı oxuyur.
Mənim atam neftçidir
Həyatı neft içində.
Hər gün gözləyirəm ki, evə gəlsin işindən.
Mənim atam neftçidir
Günəş platformasında.
Ruhu dənizə baxır mühəndis formasında.
Bu şeir 10 yaşlı oğlanın qələmə aldığı şeirdir, əlimə keçmişdi, burda yazmaq içimdən gəldi.
.
BəyənBəyən
Sizi deyə bilmərəm, amma dəniz mənim gözümdən elə düşdü ki((((
BəyənBəyən
Mən dənizdən həmişə qorxmuşam, əsasən də dalğalı olanda. Mən uşaq olanda bir qohumumuzun oğlu Xəzərdə batdı, ananın bütün həyatı alt-üst oldu, elə o vaxtdan dənizdən qorxuram. Bu yay isə keçmiş şagirdim boğuldu dənizdə. Beləliklə, qorxu nədir, sən demiş, Seva, lap gözümdən düşüb dəniz.
BəyənBəyən
Bəlkə də dəniz iztirabdan ağlayır…
BəyənBəyən
İlahi mən hələdə özümə gələ bilmirəm .Allah rəhmət etsin.
BəyənBəyən
Bizim evimiz dənizə çox yaxındır Hərdən küləkli gündə dalğalarından çox qorxuram Bizim qəsəbədən tanıdığım bir cavan gəlinin də yoldaşı itgin düşənlər siyahısındadı Dünən yaxınlarından eşidirəm ki o yoldaşının sağ salamat gəlməsinə ümüd edir Allahım səbr versin nə etməli belə hallarda adam hətda təsəlli verməyə belə acizlik çəkir
BəyənBəyən