Əvəlikli əriştə
Əriştə milli mətbəximizin çox sevilən xörəklərindən biridir. Dadlı olduğu qədər də faydalı olan bu xörəyin mövsümü, adətən, soyuq havalardır. Əksər evlərdə isə xalq təbabətinə üstünlük verənlər əriştəni soyuqdəymə halları olanda bişirirlər. Çünki tərkibindəki əvəlik soyuqdəymənin dərmanı sayılır, əriştəçisə xəmir xörək olduğu üçün bədənə istilik gətirib tərləməyə köməkçi olur. Belə bir dadlı və faydalı yeməyi süfrənizdən əsirgəməyin, əziz xanımlar!
Lazım olan ərzaqlar:
Lobya
Əriştə
Əvəlik qurusu
Alça turşusu
Kərə yağı
Baş soğan
Duz, istiot, sarıkök
Hazırlanması:
Əvvəlcə lobyanı yuyub qaynadırıq. Bişdikdən sonra suyunu süzüb üstündən soyuq su axıdırıq. Əvəliyi də qaynadıb suyunu süzürük, əl altına qoyuruq. Kərə yağında soğan qızılı rəng alanacan qovruruq, sarıkök əlavə edirik. Sonra qazana ya ət suyu, ya da adi su əlavə edirik. Su qaynayan kimi lobyanı, alça qurusunu və əvəliyi də bura əlavə edirik. 5-10 dəqiqə qaynadıqdan sonra əriştəni aramla əlavə edib qarışdırırıq. Düz, istiot əlavə edib daha 10 dəqiqə qaynadıb altını söndürürük. Əvəlikli əriştənin yanında ikinci yeməyi təqdim etmək sizin öz istəyinizə bağlıdır. Nuş olsun!
10/11/2015 tarixində Mətbəximiz içində dərc edildi və əriştə, əvəlikli əriştə, milli mətbəximiz olaraq etiketləndi. Daimi bağlantını seçilmişlərinizə əlavə edin. 23 Şərh.
Sevincli Dünya 
Əvəlik şorbama tələsik olmayanda mən də lobya vururam, səhv eləmirəmsə, əsas reseptdə lobya var. Sizin əvəlikli əriştəniz çox xoşuma gəldi, Sevinc, mən də bişirəcəm inşəAllah. bir şey soruşum, əriştə hazır satılan əriştələrdəndir?
Allah süfrənizi bərəkətli eləsin, mənim payımı saxlayın, günorta gəlib içəcəm, ikinci yeməyə də ehtiyac yoxdur, aşkım 🙂
BəyənBəyən
Canım, mələyim mənim, sən bəyəndinsə daha qorxum yox. Qapım üsünə açıqdır, canım, gəl. Lap yerinə düşər boranılı aş dəmləyirəm. Yox, canım, heç məndə hazır əriştə alan sifət var?! Özüm kəsmişəm ☺️ALLAL hamlmıza halal ruzi versin inşAllah.😘😘😘
BəyənBəyən
Elə dünən sizin boranılı aşı xatırlamışdım, mən bişirmişdim axı ondan, çox xoşuma gəlmişdi. İndi bilmirəm hansını seçim əriştəmi, aşmı? offfffffff nə qəliz seçim oldu 😦 Bəlkə bu gün əriştə, sabah aş olsun 🙂 Hə belə yaxşıdı.
Əriştə kəsməliyəm hə 😦 bax bu heç də yaxşı olmadı 🙂
BəyənBəyən
Mən artıq özümə söz verdim hər həftə sonu bişirəcəm. Uşaqlar baxmayaraq ki, yemək seçimində çox təlıbkardırlar, amma əvəlikli əriştəni çox bəyəndilər.
Ürəyin hanslndan istəyir başla, canım😘💖bu arada Şəki omasının resepti gəldi, yaxın günlərin birinə bişirəcəm inşAllah.
BəyənBəyən
İnşəAllah bişirərsiniz, soyuq havalarda ləzzət edir.
Nübar gəldisə, oma da gəlib eləmi?
BəyənBəyən
Hə, mələyim, Nübar da gəlib, resept də gəlib. Bişirəcəm inşAllah☺️☺️☺️
BəyənBəyən
Əriştə qışda tez tez hazırladığım bir duru teməklərdəndir Qış ki gəldi bizim evdə həftədə ən azı iki dəfə əriştə yeyilir O üzdən bir xeyli kəsib qovurub qablarda saxlayıram lobyanıda bişirib soyuducuda saxlayıram amma əvəlik mənlik deyil)) yoldaşım hər dəfə deyir ki buna bir az da əvəlik vurardında bir bəhanə ilə üztümdən atıram amma ona söz vermişəm ki bir gün ancaq sənincün əvəlikli əriştə edəcəyəm Cünkü uşaqlarda sevmir Hər dən mamam da məni danlayır ki nə xeyirlidirsə siz onu sevmirsiz
BəyənBəyən
Əriştəni qovurub düyü ilə dəmlədikdə də dadlı olur, Gülüm. Yaxşı yadıma saldın gərək bir gün hazırlayım.
BəyənBəyən
Mən də paxlalı bitkiləri bişirib, dondurucuda saxlayıram, adamın işini o qədər rahatladır ki 🙂
BəyənBəyən
Bizde edirik eriste biz icine eleyez vururuq coox dadli olur.Birdeki qovurma ile qiwda lap basqa olur.Sufrenize bereket baci.
BəyənBəyən
Sağ ol, canım. Hə, eşitmişəm ki, Naxçıvan qovurmasının xüsusi dadı olur. Belə edək də, şirinim, əriştə məndən, qovurma səndən😝😝😝
Nətər dedim, qızlar?😂👍😘
BəyənBəyən
Heç mən indiyə qədər belə ağıllı təklif eşitməmişdim 😂
BəyənBəyən
InsaAllah.Niye olmasin?!
BəyənBəyən
Hə, mələyim, hərdən yaxşı ideyalarım olur😂😂😂
BəyənBəyən
Əllərinə sağlıq,Seva,qaynanamın əriştəsi haqqında demişdim axı. Sən də dedin ki, bişir , paylaş. Sənin kimi qoçaq qız bişirəndən sonra mənim kimi tənbəlin bişirməsinə ehtiyac qalmadı. Rəhmətlik də elə bu qaydada bişirirdi. Mən isə heç sevmirəm əriştəni, yeyəndə də əlacım olmur. Sizlərə nuş olsun.
BəyənBəyən
Həyatım boyunca yeməmişəm əvəlik. Rastıma çıxsa, alacam. Biz əriştəni nar sıxıb yeyirik, bəh -bəh. Aysu imkan versə, xəmir işi görərdim. Mən bu qızla neynəyim bilmirəm. Elə hey çiy xəmir yeyir 😕
Faydalı bir resept üçün təşəkkürlər, əzizim
BəyənBəyən
Mənim böyük oğlum da həmişə çiy xəmir yeyərdi)) Deyəsən səni yorub nəvəm, gətir ver mənə özüm baxacam😘😘😘
BəyənBəyən
İstər şirin, istər duzlu, istər şit, baxmır, elə yeyir ki, mən belə iştaha gəlirəm 😁 O gün pirojki hazırlayırdım, başladı istəməyə. Bir az verdim,gördüm alınmır. Başladım xəmirin üzərinə acı bibəri gəzdirməyə, yalanmışdan 😂Bu qız da ki, ilan kimi qorxur acı bibərdən, heç böyüsə də unutmaz 😆
Yaxın olsaydınız, göndərərdim
BəyənBəyən
Mən belə şıltaq uşaqları çox sevirəm😘☺️
BəyənBəyən
Dunen berk “arvad”lanmishdim 😊. Erishte, xengel yuxasi achdim, qurutdum. Aysu da qesheng yedi, o, chiy xemirden. InsheAllah qarshidaki gunlerde edecem. Amma eveliksiz. Chunki evelik tapmaq mushkul meseledir. Qaragoz lobya ile ederem.
Chox sag olun, ezizim
BəyənBəyən
Sən də sağ ol, Nübarım. Əvəlik niyə yoxdur ki?
BəyənBəyən
Resepti yazanda her seyi miqdariyla yazsaz yaxsi olar.neyi ne qeder istifade etmeyin lazim oldugunu bilenler onsuzda bisirilme qaydasinda bilirler.resepte netden baxan demek bilmirki burdan baxir.ve oxudugu reseptde qrami miqdari gormeyen onsuzda yazdiginizdan faydalana bilmeyecek
Bəyəntərəfindən bəyənildi 1 şəxs
Xoş gəldiniz bloqa, Nikita xanım. Faydalanmaq istəyən olsa fikrin burda bildirir və qaranlıq tərəflərinə aydınlıq gətirilir.
BəyənBəyən