Naşatır spirti ilə 7 problemin həlli

Öz faydalılığı və tətbiqinin çoxfunksiyalılığına görə naşatır spirti fərqlidir. Məişətdə onun tətbiq sahələri ilə sizi də tanış etmək istərdim.

1. Pəncərələrdə

1 litr suya 1 xörək qaşığı naşatır spirti əlavə edin. Yumşaq kağızla və ya qəzetlə silin.

2. Paltar ağardıcısı kimi

1 xörək qaşığı naşatır spirti, 2 xörək qaşığı 3%-li hidrogen peroksidi 60-70 dərcəli 1 vedrə suda əlavə edin. Yuyulmuş paltarı məhlula batırın, elə edin ki, tam islansın. 15-20 dəqiqə gözləyin. Sonra paltarı 2 dəfə axar suda yaxalayın.

3. “Zamşa” əşyaların təmizliyi

1 hissə naşatır spirtinə, 4 hissə su əlavə edirik. Çirklənmiş hissəni pambıq tampunla təmizləyirik. Sonra 1 litr suya 1 çay qaşığı naşatır spirti əlavə edirik və bu suyla son dəfə silib quruduruq.

4. Qaralmış ütülər üçün

1:1 nisbətində naşatır spirti və sirkəni qarışdırın və ütünün qaralmış hissəsini yumşaq parça ilə silin.
5. Şüşələrdən milçək izlərini silmək üçün

1 hissə naşatır spirti, 10 hissə su qarışığı ilə bunun öhdəsindən gələ bilərsiniz.
6. Xalçaların və yumşaq mebelin rəngini yeniləmək üçün

3 xörək qaşığı naşatır spurtini 1 litr su ilə qarışdırmaq və süngər vasitəsiylə tətbiq etmək.
7. Ağcaqanadın və başqa həşəratların sancmalarına qarşı

Sancmaların yerlərini naşatır spirtiylə isladırıq, artıq bir neçə saniyə sonra qaşınma dayanır.