Qiyməli, pendirli bükmə

Lazım olan ərzaqlar:

Xəmir üçün:

2 stəkan süd

250 qram duru yağ

1 kq 400 qram un

2 ç/q maya

1,5 ç/q duz

1 x/q şəkər tozu

4 ədəd yumurta

İçlik:

Qiymə

Pendir

Cəfəri

Duz, istiot, sarıkök

Üzəri üçün: 2 yumurtanın sarısı, azacıq duru yağ, sarıkök

Hazırlanması:

Əvvəlcə qeyd edim ki, bu miqdar ərzaqlardan 30 ədəd bükmə alındı. İstəsəniz yarı miqdar ərzaq da götürə bilərsiniz. Keçək hazırlanma qaydasına. Əvvəlcə südü ilıq edib maya və şəkər tozunu əlavə edib qarışdırırıq. Sonra qalan ərzaqları əlavə edib xəmir yoğururuq. Yumşaq xəmir allnır. Üstünü örtüb acımağa qoyuruq. Xəmir acıyanacan içlik hazırlanır. Çəkilmiş ətə soğan, duz, istiot, sarıkök əlavə edib bişiririk, qiymə hazır olub soyuduqdan sonra bura pendiri sürtgəcdən keçirib, cəfərini doğrayıb əlavə edirik. Acımış xəmirdən kiçik kündələr tuturuq. Yayırıq, şəkildəki kimi bir neçə yerdən kəsirik. Bütöv hissəyə içlik əlavə edirik, kəsiyə doğru bükürük. Aypara forması verib qənnadı təbəqəsinə düzürük. 10-15 dəqiqə qaldıqdan sonra üzərinə yumurta sarısı çəkirik, istəsək çörəkotu, ya da küncüt də səpə bilərik. Əvvəlcədən qızdırılmış sobaya bişməyə qoyuruq.