Doğum günün mübarək!

Yaxşı deyiblər ki, dövlətdə dəvə, övladda nəvə. Nəvəsi olan bir neçə dostdan, tanışdan bu şirinliyin nə olduğunu duymuşam artıq, qalıb bircə yaşamaq…İnşAllah məsləhət olarsa, o da qismətim olar. Amma etiraf edim ki, nəvələrimçün çox sevimli nənə olacam☺️😘

Gələk mətləbə…hə, əzizlərim, bu gün növbəti bir doğum günü xəbərini dərc edib sizinlə paylaşmaq şansına nail oldum. Çox şirin, ağıllı, həm də çox ərköyün bir balanın doğum günüdür bu gün. Kim olduğunu bilmək istərdinizmi? Hamımızın hörmət etdiyimiz İrinka xanımın nəvəsi Orxan balanın. Yəni Türkan balanın qardaşının doğum günüdür bu gün. Təəccüblənməyin, bəli, üçüncü doğum günü təbrikim də məhz bu ailənin qismətində imiş.

Orxan balanın 3 yaşı tamam olur. Gəlin ona ürək sözlərimizi, təbrikimizi bu xəbər vasitəsilə çatdıraq. Axı Orxan bala vətəndən uzaqda yaşayır. Qoy orada, müvəqqəti yaşayış yerində qazandığı dostları görsün ki, Orxanı biz də çox istəyirik.

Hə, Orxan bala! Sən, sənə verilən ömür  payının elə bir dövründəsən ki,  bu dövrə çoxumuz yenidən qayltmağın həsrətindəyik. Sənə qayğısız, sağlam, atalı-analı bir ömür diləyirəm. Qoy uşaqlıq illərinin çöhrəndə yaratdığı bu təbəssüm, xoşbəxtlik səni bir ömür tərk etməsin. Yaşının bütün çağlarını bax beləcə, dərddən, kədərdən uzaq, firəvan keçirəsən!

Orxan balanı tanımayanlar buyurub tanış ola bilərlər. ☺️