Məşhurlar haqqında bunları bilirdinizmi?

Edqar Po yazarkən ayaqlarını soyuq suya qoyurmuş.
***
Emil Zolya isə özünü stula bağlayırmış.
***
Dostoyevski çarpayıda uzanıb, üzünü divara tutaraq diktə edirmiş.
***
Vasili Şuksin otaqda əsgər addımlarıyla var-gəl edirmiş.

***
Fridrix Şiller həmişə stolunun üstünə çürümüş almalar qoyurmuş.
***
«Ceyn Eyr»in müəllifi Şarlotta Bronte tez-tez yazı masasından ayrılıb, mətbəxə kartof təmizləməyə gedirmiş.
***
Aleksandr Düma (oğul) yazı prosesində elə hey yeyirmiş.
***
Albert Eynşteyn yolda öz dostu ilə qarşılaşır və onu evə dəvət edir: «Axşam bizə gəlin. Professor Stimson da orda olacaq». «Stimson mənəm də!» — dostu deyir. Cavabında Eynşteyn «Eybi yoxdur, siz də gəlin» — deyə israr edir.
***
Anton Çexov gimnaziyada oxuyarkən iki dəfə sinifdə qalmışdı.
***
Puşkin litseydə çox pis oxuyurdu və riyaziyyat dərslərində ağlayırdı.
***
Tolstoy universitet imtahanlarında çoxlu «1» (ən aşagı bal) qiyməti almışdır.
***
Alber Kamyu əsəb xəstəliyi olan qadınlarla evlənməyə üstünlük verirdi – onun hər iki arvadı «bu dünyanın adamı» deyildilər. Kamyunun özü də, yumşaq dillə desək, çox huşsuz adam olub. Bir dəfə o ikinci arvadını doğum evindən çıxararkən, yeni doğulmuş əkizləri xəstəxanada unutmuşdu.
***
Ölüm ayağında olan Malerb baxıcının nitqindəki qrammatik səhvləri düzəldirdi. O, səlis danışa bilməyən keşişin vida duasından da imtina etmişdi.
***
Kornel, Dekart, Virgili, Addison, Lafonten, Drayden, Nyuton, Mansoni auditoriya qarşısında, demək olar, danışa bilmirdilər.